Монгол ёсонд хурдан морины хэлбэр шинжийг адгуус амьтнаар жишиж гаргасан байдаг ба түүн дотор "туулай" шинжтэй адуу гэж дурдсан байдаг. Мөн биеийн тэнцэл байдлаар шинжихдээ "туулай зоотой" адуу сайн гэж заасан байдаг. Мөн хурдан мориндоо "туулай" гэж нэр өгсөн явдал цөөнгүй, жишээ нь Луусын туулай халтар.
Амьтад дотор хурдан шаламгай чанараараа ялгардаг туулай нь ийнхүү монголчуудын их өв соёл болох хурдан морины уралдаан, хурдан морь шинжих ёсонд орсон байдаг юм.
Монголчуудын их соёл Цагаан сар, Хурдан морины уралдаан өнөд дэлгэрч айргаар цэнгэгч түмэн эв эетэй эсэн энхээр бат орштугай!
Сэтгэгдэл