Улсын Их Хурлын гишүүн Доржсүрэнгийн Үүрийнтуяагийн санаачилгаар “Хойд бүсэд үйлдвэрлэв-2026” үзэсгэлэн худалдаа хоёр дахь жилдээ Орхон аймаг, Эрдэнэт хотод зохион байгуулагдана.
Тус үзэсгэлэн худалдаа нь Хойд бүсийн Орхон, Булган, Хөвсгөл аймгийн хоршоологчид, аж ахуйн нэгж, жижиг, дунд бизнес эрхлэгчид болон өрхийн үйлдвэрлэл эрхлэгчдийн бүтээгдэхүүн, үйлчилгээг сурталчлан таниулах, зах зээлийн боломжийг нэмэгдүүлэх, орон нутгийн эдийн засгийн хамтын ажиллагааг дэмжих зорилготой.
Үзэсгэлэн худалдаа 2026 оны 02 дугаар сарын 13, 14, 15-ны өдрүүдэд Орхон аймаг, Эрдэнэт хот, “Хангарди палас”-т болно.
Хойд бүсийн үйлдвэрлэл, бизнесийн орчныг дэмжих, орон нутгийн бүтээгдэхүүний өрсөлдөх чадварыг нэмэгдүүлэх энэхүү арга хэмжээнд та бүхнийг идэвхтэй оролцохыг уриалж байна.
Сэтгэгдэл үлдээх
Сэтгэгдэл