СДМЭХ-ны Удирдах зөвлөлийн анхдугаар хуралдаан 2026.02.26-нд хуралдаж, үйл ажиллагааны төлөвлөгөөгөө баталсан билээ.

Тус төлөвлөгөөнд тусгагдсан “МЕНТОР-105” хөтөлбөрийн нээлт өнөөдөр амжилттай зохион байгуулагдлаа.

“МЕНТОР-105” хөтөлбөр нь өндөр ёс зүйтэй, мэдлэг, туршлагатай менторуудыг залуустай холбож, үнэт зүйлд суурилсан, үр дүнд чиглэсэн ментор–ментий харилцааг төлөвшүүлэх зорилготой. Мөн менторингийн соёлыг хөгжүүлэхийн зэрэгцээ улс орны эдийн засаг, бизнес, улс төр, нийгмийн хөгжилд бодит хувь нэмэр оруулах “she for she” хөтөлбөр юм.

Хөтөлбөрийг Монгол орны баруун, зүүн, хойд, өмнөд, төвийн болон хангайн 6 бүсэд хэрэгжүүлэх бөгөөд бүс бүрд 10 ментор 10 ментий, нийслэлд 45 ментор 45 ментийг 6 сарын хугацаанд бэлтгэнэ.

Энэхүү хөтөлбөр 2026 оны 08 дугаар сард хаалтаа хийж, нийт 105 ментор 105 ментийг хөгжүүлсэн үр дүнгээ тайлагнах юм.

“МЕНТОР-105” хөтөлбөрийг СДМЭХ-ны Нийслэл хариуцсан Дэд ерөнхийлөгч Б.Ану-Үжин зохион байгуулж, хэрэгжүүлж байна.