2022 оны 100 манлайлагчийн жагсаалтад багтсан ажилтнуудын 38 хувь нь удирдах болон инженер техникийн ажилтан, 62 хувь нь ажилчин, албан хаагчид байна.
2022 онд Баяжуулах үйлдвэрийн нунтаглан баяжуулах хэсгийн тоног төхөөрөмжийн засварын механикч А.БЯМБАСҮРЭН сайн саналын системээр дамжуулан нийт 132 санал гаргаж, 58.3 хувийг үйлдвэрлэлд хэрэгжүүлсэн амжилтаар тэргүүлж, гурван жил дараалан жагсаалтад бичигдэж байна.
Энэхүү жагсаалтад багтсан ажилтнуудын 24 хувь нь механикийн, 26 хувь нь технологийн, 18 хувь нь эрчим хүчний, 9 хувь нь автоматжуулалтын, 9 хувь нь удирдлага, зохион байгуулалтын, 14 хувь нь бусад чиглэлийн ажилтнууд байна.
Манлайлагчид сайн саналын системд нийт 2155 санал гаргаснаас 1887 санал үнэлэгдэж, 1539 буюу 71 хувь нь хэрэгжжээ. Үүний 29 хувь нь маш сайн, сайн саналууд байна.
Сайн саналын системийн 100 манлайлагчийн жагсаалтад хоёр ажилтан найман удаа, гурван ажилтан долоон удаа, дөрвөн ажилтан зургаан удаа, таван ажилтан таван удаа, долоон ажилтан дөрвөн удаа, есөн ажилтан гурван удаа, 24 ажилтан хоёр удаа бичигдсэн бол бусад 46 ажилтан энэхүү жагсаалтад анх удаа багтсанаараа онцлог юм.
Тус жагсаалтын 72 хувь нь эрэгтэй, 28 хувь нь эмэгтэй, 36 хувь нь 1-5 жил, 36 хувь нь 6-15 жил, 18 хувь нь 16-25 жил, 10 хувь нь 26-аас дээш жил ажилласан ажилтнууд байна.
Сэтгэгдэл