Орхон аймгийн Жаргалант сумын Дулаан-Уул багийн малчин Х.Эрдэнэболд нь гэр бүлийн хүний хамт 26 жил мал малласан туршлагатай манай тэргүүний малчдын нэг юм.
Х.Эрдэнэболд бэлчээрийн даац хэтэрсэн өнөөгийн нөхцөлд, малын бэлчээрийг зохистой ашиглаж , мал төллөх үеэр нөөц бэлчээрээ ашигладаг. Мөн өөрийн эзэмшлийн 5 га талбайд ногоон тэжээл болон царгас тариалж өөрийн малдаа болон “Баялаг Аргуун” хоршооны 13 өрх айлд хувиарлан олгож малдаа тарга хүч авахуулан өвөл, хаврын цаг агаарын хүндрэлтэй үед малын хорогдолгүй онд оруулдаг тэргүүний туршлагатай малчин.
1994 оноос өнөөг хүртэл мал маллах хугацаандаа олон залуу гэр бүлийг туслах малчнаар ажиллуулж малжуулж, мал маллах арга ухаанаас зааж өрхийн орлогыг нь нэмэгдүүлсэн тэргүүний туршлагатай малчин өрх юм.
Сэтгэгдэл