Канад улсын Торонто хотноо энэ сарын 5-8-ны өдрүүдэд Олон улсын эрдэс баялгийн хайгуул, олборлолтын чуулга уулзалт "PDAC 2023" арга хэмжээ зохион байгуулагдаж дууслаа.
Албан ёсны арга хэмжээний дараа Уул уурхай, хүнд үйлдвэрийн сайд Ж.Ганбаатар Канад улсын Олон улсын худалдаа, экспорт, жижиг дунд бизнес, эдийн засгийн хөгжлийн сайдын парламентын нарийн бичгийн дарга Ариф Виранитай уулзаж, хоёр орны худалдаа, хамтын ажиллагааны талаар санал солилцлоо.
Уулзалтын үеэр ноён Вирани, Канад-Монгол хоёр улсын худалдааны эргэлтийг нэмэгдүүлэх, дэмжихэд голлон анхаарч, уул уурхайн салбарт техник, технологийн чиглэлээр хамтран ажиллах, тэр дундаа салбарт хүлэмжийн хийн ялгарлыг бага байлгах технологийг нутагшуулахад хамтран ажиллах өргөн боломжтойг онцоллоо.
Сэтгэгдэл үлдээх
Сэтгэгдэл