Хөдөлмөрийн баатар, Төрийн шагналт, Ардын уран зохиолч Дэндэвийн Пүрэвдоржийн мэндэлсний 90 жилийн ойд зориулсан "ХХ ЗУУНЫ МОНГОЛ НАЙРАГЛАЛЫН ҮНЭТ ЗҮЙЛ- Д.ПҮРЭВДОРЖИЙН УРАН БҮТЭЭЛ" сэдэвт эрдэм шинжилгээний хурал 2023 оны 3 сарын 21-ний өдөр Монгол Улсын Үндэсний номын сангийн Ерөнхийлөгчийн нэрэмжит Эрдэм шинжилгээний уншлагын танхимд боллоо.
Эрдэм шинжилгээний хурлын даргаар Шинжлэх ухааны гавьяат зүтгэлтэн доктор, профессор С.Байгалсайхан ажиллалаа.
Уг эрдэм шинжилгээний хуралд тавигдсан илтгэлүүд удахгүй ном болон хэвлэгдэнэ гэж хурлыг зохион байгуулагч нар мэдэгдлээ.
Тус эрдэм шинжилгээний хуралд нийт 11 илтгэл тавигдсан бөгөөд Ерөнхий илтгэлийг Гавьяат багш, доктор, профессор Ч.Жачин “Д.Пүрэвдоржийн яруу найргийн урлан, уламжлал шинэчлэл” сэдвээр тавилаа.
Илтгэлүүд:
1. “Д.Пүрэвдорж бол яруу найргийн өвөрмөц хэлцийг бүтээгч мөн” Д.Цэнджав СГЗ, доктор, профессор
2. “Хөх торгон дээл ба” “Хөх даалимбан тэрлэг” найраглал Б.Мөнхбаяр ШУА-ийн хэл зохиолын хүрээлэн, доктор
3. “Найраглалын төрөл зүйл дэх соёл иргэншлийн сэтгэлгээ” А.Мөнх-Оргил МУИС, доктор, дэд профессор
4. “Сумын наадам” шүлгийн эх дүрийн тухай Р.Чүлтэмсүрэн МУБИС, доктор, профессор
5. “Д.Пүрэвдоржийн найраглалын хэлний онцлог” Г.Батсуурь МУБИС, доктор
6. ᠌᠌᠌᠌᠋”Нэрт яруу найрагч Д.Пүрэвдоржийн Эрээн уулс шүлэг, Хар цас, Сэгс цагаан богд туульсын найраглал болон одоо цагийн тухай” Б.Эрдэнэбаатар СГЗ, Сэтгүүлч
7. “Д.Пүрэвдоржийн Хялар хатан найраглалын тухайд” П.Яньдий МУБИС. Доктор
8. “Д.Пүрэвдоржийн яруу найраг дахь өгүүлэх урлагийн бүтээлийн шинжилгээ” Б.Даваа СУИС, доктор
9. “Д.Пүрэвдоржид холбогдох архивын баримт” П.Чүлтэмсүрэн МҮТА, Эрдэм шинжилгээний ажилтан
10. “Монгол яруу найраг дахь “үнэр хөлөглөгч”-өөр мэдрэмжээ илэрхийлэхүйн уламжлал” Д.Пүрэвдоржийн яруу найраг дахь салхины дүрслэлийн жишээгээр Б.Мөнх-Эрдэнэ.