“3х3” сагсан бөмбөгийн Азийн аварга шалгаруулах тэмцээд Монголын эрэгтэй баг түрүүлж, “Парис 2024” зуны Олимпод оролцох эрхээ авлаа. Манай тамирчид аваргын төлөөх тоглолтоо Азийн хошой аварга Австралийн шигшээ багтай хийж 21:18 онооны харьцаатай хожив. Уг тэмцээнд манай эрэгтэйчүүдийн баг зургаан жилийн өмнө 2017 онд мөн түрүүлж байсан бөгөөд нийт дөрвөн удаа аваргын төлөөх тоглолтод шалгарч байсан юм. Тэд энэ ААШТ-нд нийт таван тоглолт хийсэн бөгөөд хагас шигшээ шатанд Шинэ Зеландтай тоглож 19:18-аар хожсон билээ. Монголын шигшээ багийн бүрэлдэхүүнд Д.Дэлгэрням, Э.Дөлгөөн, А.Ананд, О.Энхбаатар нар багтсан бөгөөд шигшээ багийн ахлагч Д.Дэлгэрням бэлгэдлийн багт нэрлэгдэж, ААШТ-ий онооны аварга боллоо.
Сэтгэгдэл үлдээх
Сэтгэгдэл