Ойрын өдрүүдэд зэсийн үнэ харьцангуй тогтвортой байна

4-сарын эхний 11 хоногт зэсийн үнэ дунджаар 8780-8966 ам.долларын хооронд хэлбэлзэж дунжаар 8869 ам.доллар тонн байна. Харин өнгөрөгч гуравдугаар сард нэг тонн зэсийн үнэ 8535-9066 ам.долларын хооронд хэлбэлзэж дунджаар 8836 ам.доллар тонн байгаа нь өмнөх сарын дундаж үнэтэй харьцуулахад 119.48 ам доллараар буурсан үзүүлэлттэй байна.

Харин цагаан мөнгөний  үнэ өнгөрсөн сард 1 кг тутамд 61.61 ам доллараар өссөн бол молибдены ислийн үнэ нэг тонн тутамд 18.64 ам доллараар буурсан байна.

“Өнгөрөгч гуравдугаар сард БНХАУ-ын зэсийн эрэлт макро эдийн засгийн байдал банкны хямрал, ам долларын ханшийн өөрчлөлт биржүүдийн зэсийн нөөцийн түвшин, зэсийн уул уурхайн нийлүүлэлтийн хүндрэл зэрэг хүчин зүйлс зэсийн үнийн түвшинд нөлөө үзүүлсэн гэж шинжээчид дүгнэж байна” гэж "Эрдэнэт үйлдвэр" Гадаад харилцаа экспортын хэлтсийн Тэргүүлэх экспорт борлуулалтын мэргэжилтэн Х.Мөнхцэцэг мэдээллээ.  

2024-2027 онд зэсийн үнийн төлөв 8488-8760 ам.долларын хооронд хэлбэлзэнэ гэж судалгааны байгууллагууд судалгаандаа дурджээ.