Орхон аймгийн ерөнхий боловсролын сургуулиудад Япон улсын боловсролын хүүхэд хүмүүжлийн эерэг Токкацү арга зүйг нэвтрүүлээд багагүй хугацаа өнгөрч байна.
Аймгийн ЗДТГ-аас "Соёлыг түгээе" аяны хүрээнд Япон улсын багш Ёшихиро Огавад хүсэлт тавьж, тэрээр өнгөрсөн жил Орхон аймгийн бага боловсролын 35 багшид өөрийн улсын боловсролын онцлог Токкацү арга зүйн талаар 5 удаагийн сургалт явуулсан юм.
Харин энэ удаа бага боловсролын 60 багшид мэргэжил арга зүйн дэмжлэг үзүүлэхээр 4 дэх удаагаа ирэхэд нь Орхон аймгийн Засаг дарга С.Батжаргал хүлээн авч уулзлаа.
Өнгөрсөн тавдугаар сард ерөнхий боловсролын найман сургуулийн 9 багш Япон улсыг зорьж, Токкацү арга зүйн богино хугацааны сургалтад хамрагдан туршлага судалсан.
Токкацү нь багш чиглүүлж сурагчдын оролцоонд тулгуурлан харилцан ярилцдаг боловсролын арга зүй юм.
Нийгмийн харилцаанд хүүхдүүдээ багаас нь бэлтгэж, өөрийгөө илэрхийлэх чадварыг суулгаж байгаа нь энэхүү арга зүйн үр дүн билээ.
Сэтгэгдэл