Consensus Economics судалгааны байгууллагаас зэсийн үнийн хэтийн төлвийн санал асуулга явуулсан ба тус санал асуулгад нийт 30-н судалгааны байгууллага оролцжээ.

       Санал асуулгад оролцсон 30-н судалгааны байгууллагаас 27 нь энэ улиралд зэсийн үнэ 8000 ам.доллараас дээш байна гэж үзэж байна. Харин 2023 оны зэсийн жилийн үнийн хэтийн төлвийг 8058-8878 ам.долларын хооронд хэлбэлзэж дунджаар 8514 ам.доллар, 2024 оны зэсийн жилийн үнийн хэтийн төлвийг 6837-9850 ам.долларын хооронд хэлбэлзэж 8582 ам.доллар тонн байна гэж судалагаандаа дурджээ. 

        Лондонгийн металлын бирж дээрх зэсийн үнэ ханшийг сүүлийн арван жил буюу 2013-2023 оны зэсийн жилийн дундаж үнийг  авч үзвэл 2021 онд хамгийн өндөр буюу 9314 ам доллар тонн, 2016 онд хамгийн бага буюу 4863 ам доллар тонн байжээ. 2023 оны эхний найман сарын байдлаар нэг тонн зэсийн үнэ 8627 ам доллар тонн байна.