Жил бүр уламжлал болгон зохион байгуулдаг “Гэмтэл согог судлалын  олон улсын XXV эрдмийн чуулган  энэ сарын 5,6-ны өдрүүдэд Орхон аймагт болно.  “Эрүүл иргэн-Эрсдэлгүй үйлчилгээ” уриан дор Монгол улс дахь бүх шатны эмнэлгүүдийн гэмтэл, согог судлалын эмч, мэргэжилтэн, техникч, ерөнхий мэргэжлийн  130 гаруй эмч нар салбарын асуудлаа хэлэлцэж, харилцан туршлах солилцох юм.

Монгол Улсад гэмтэл согог судлалын чиглэлээр төгсөх төгсөгчдийн тоо нэмэгэдэж байгаа ч эмнэлгийн ачаалал их, хүртээмж хүрэлцээ хангалтгүй, осол гэмтлийн тоо нэмэгдэж, өвчлөл буурахгүй байгаа нь энэхүү чуулганыг жил бүр зохион байгуулах үндэслэл болдог билээ.

Хүн амд үзүүлэх гэмтэл, согогийн тусламж үйлчилгээний эрэлт хэрэгцээ, тулгамдсан асуудлыг тодорхойлох, орчин үеийн  оношилгоо эмчилгээний  дэвшилтэт арга технологийг  нэвтрүүлсэн үр дүнг тооцож, эмч  нарын эрдэм  шинжилгээний  ажлыг  дэмжих, гадаад болон дотоодод сургах мэргэжилтнүүдийг нэмэгдүүлэх нь XXV  чуулганы зорилго юм.  

Чуулганыг Эрүүл мэндийн хөгжлийн төв, Монголын гэмтэл согогын эмч мэргэжилтнүүдийн холбоо, Гэмтэл Согог судлалын үндэсний төв, Орхон аймгийн ЗДТГ, БОЭТ хамтран зохион байгуулж байна.