Тус уулзалт хэлэлцүүлгийг МБЭЭХ-ны салбар зөвлөл, Орхон аймаг дахь БЭЭХ-оос санаачлан Орхон аймгийн ЗДТГ, Нийгмийн бодлогын хэлтэстэй хамтран зохион байгуулж байна.

Уулзалт Эрдэнэт үйлдвэрийн Ерөнхий захиргааны хоёрдугаар байрны Оюу танхимд болж байна. Орхон аймаг дахь Бизнес эрхлэгч эмэгтэйчүүдийн  холбооны тэргүүн Д.Баярчимэг уулзалт хэлэлцүүлгийг  нээж үг хэллээ.  

Мөн Монголын Бизнес эрхлэгчдийн холбооны Ерөнхийлөгч О.Заяа, Орхон аймгийн Засаг даргын орлогч М.Түмэнжаргал, Эрдэнэт үйлдвэр ТӨҮГ-ын Тамгын газрын дарга, Орхон аймгийн Эмэгтэйчүүдийн холбооны тэргүүн Д.Үүрийнтуяа нар уулзалт хэлэлцүүлэгт оролцогч, бизнес эрхлэгч эмэгтэйчүүдэд амжилт хүслээ.

Уулзалтын үеэр Монголын бизнес эрхлэгч эмэгтэйчүүдийн холбооны Ерөнхийлөгч О.Заяаг Орхон аймгийн Засаг даргын Хүндэт тэмдгээр, Орхон аймгийн  Бизнес эрхлэгч эмэгтэйчүүдийн холбооны гишүүн "Жаргалант мах импекс" ХХК-ны захирал Ж.Анхбаярыг  Орхон аймгийн иргэдийн хурлын Иргэний төлөө шагналаар,   Хүнс хөдөө аж ахуйн яамны Тэргүүний  ажилтнаар Орхон аймаг дахь бизнес эрхлэгч эмэгтэйчүүдийн холбооны гишүүн  “Мэт күүк” ХХК-ийн захирал Э.Энхтуяа нарыг тус тус   шагнаж урамшууллаа.Уулзалт хэлэлцүүлэг хоёр өдөр үргэлжилнэ.