![М.МАНЛАЙЖАВ 39, Х.ХАЛИУН 43-Т ОРЛОО](/media/covers/2024/01/25/inbound7274385191444044566.jpg)
![Enguun.mn](/media/logo/logo-dark_HLH0Gcl.png)
![Enguun.mn](/media/logo/logo-white_NH4NCIk.png)
![М.МАНЛАЙЖАВ 39, Х.ХАЛИУН 43-Т ОРЛОО](/media/covers/2024/01/25/inbound7274385191444044566.jpg)
"Канвон-2024" олимпын уулын цанын слалом төрлийн уралдаан өндөрлөлөө.
Эмэгтэйчүүдийн слаломд 78 тамирчин уралдсанаас Австрийн М.Варошиц хоёр гарааны нийлбэрээр 1:37.49 амжилт үзүүлэн алтан медаль хүртэв. Хоёр, гуравдугаар байрт Германы Ш.Грандинжер (1:38.08), Италийн Ж.Колломб (1:38.46) нар орсон юм. Колломбын хувьд энэ олимпоос гурав дахь медалиа авчээ.
Шведийн А.Хедин эхний гарааны дараа аман хүзүүнд явж байсан ч хоёр дахь гараандаа алдаа гарган хасагдсанаар хоосон хоцров.
Энэ өдөр цаг агаар хэдий тогтуун ч Олимпын зам мөс ихтэй байсан нь хүндрэл учруулж, маш олон залуу тамирчид замаа дуусгаж чадалгүй хасагдав.
Манай тамирчин Х.Халиун хоёр гараагаа амжилттай дуусгаж, 2:50.60 минутын үзүүлэлтээр 78 тамирчнаас 43-торлоо. Тэрбээр өмнө нь жиант слаломын төрөлд 42-т жагссан билээ.
Эрэгтэйчүүдийн слаломын төрөлд 78 тамирчин уралдахад Их Британийн З.Кэррик-Смит 1:38.61 минутаар түрүүлж, "Канвон-2024" олимпын хоёр дахь медалиа авав. Тэрбээр өчигдөр жиант слаломын төрөлд мөнгөн медаль хүртсэн юм.
Шведийн Э.Вестлунд (1:38.66), Францын Н.Хоут-Маршан (1:38.87) нар мөнгө, хүрэл медаль дээр буулаа.
Энэ төрөлд уралдсан манай тамирчин М.Манлайжав хоёр гараагаа алдаа гаргалгүй амжилттай дуусгаж, 2:29.56 үзүүлэлтээр 39-р байрт орлоо.
Үүгээр манай уулын цаначдын тэмцээн өндөрлөж байна.
Монголын багийн хувьд ирэх гурав хоног тэмцээн уралдаангүй бөгөөд 29-нөөс гүйлтийн цанын тамирчдын тэмцээн эхэлнэ.
Сэтгэгдэл үлдээх
![зочин1](/static/images/guest/1.jpg)
![зочин2](/static/images/guest/2.jpg)
![зочин3](/static/images/guest/3.jpg)
![зочин4](/static/images/guest/4.jpg)
![зочин5](/static/images/guest/5.jpg)
![зочин6](/static/images/guest/6.jpg)
![зочин7](/static/images/guest/7.jpg)
![зочин8](/static/images/guest/8.jpg)
Сэтгэгдэл