ЖДҮ-г хөгжүүлэх сангийн зээл нь өмнөх онуудад аж ахуйн нэгжүүдэд олгосон зээлийн эргэн төлөлтөөр тухайн ондоо  зээл гаргадгаараа онцлогтой. 2015-2019 онуудад энэхүү зээлийг орон нутагт олгохгүй,  завсарласан байсан юм. 

      2019 оноос хойш Орхон аймагт нийтдээ 20 гаруй аж ахуй нэгжүүдэд ЖДҮ-ийг дэмжиж 2.5 тэрбум төгрөгийн хөнгөлттэй зээл олгогджээ. 

         2020 оны Засгийн газрын 113-р тогтоолоор баталсан ЖДҮ-д зээл олгох журамд заасан шалгуур үзүүлэлтүүдийн дагуу 4 үе шаттайгаар судалгаа хийж шаардлагад нийцсэн аж ахуйн нэгжүүдэд  зээл олгогддог байна. 

        "2024 он гарсаар Орхон аймгийн ХХАА-н газраас ЖДҮ эрхлэгч,  аж ахуй нэгж,  байгууллагуудад  6 удаагийн сургалт зохион байгуулсан байна. Сургалтад хамрагдсан  200 гаруй аж ахуйн нэгжүүдэд ЖДҮ-ийн зээл авах  журам, зээл авахад бүрдүүлэх материал, санхүүгийн болон татварын үйл ажиллагааны  арга зүйн зөвлөгөө өгч ажиллалаа" гэж Орхон аймгийн Хүнс хөдөө аж ахуйн газрын ЖДҮ хариуцсан ажилтан Р.ЦЭДЭВ мэдээллээ. 

         Энэ онд  Орхон аймгийн ЖДҮ эрхлэгчдээс 1.5 тэрбум төгрөгийн санхүүжилт хүссэн 8 төсөл ЖДҮ-ийн зээлд хамрагдах хүсэлтээ цахимаар ирүүлээд байгаа юм байна.