Монгол Улсын Ерөнхийлөгч Ухнаагийн Хүрэлсүх Астана хотноо болж буй ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд оролцохоор "Тусгаар тогтнолын ордон"-д хүрэлцэн ирлээ.
Монгол Улсын Ерөнхийлөгчийг 2023-2024 онд ШХАБ-ыг даргалж буй Бүгд Найрамдах Казахстан Улсын Ерөнхийлөгч К.Токаев албан ёсоор угтаж авлаа.
Шанхайн хамтын ажиллагааны байгууллага /ШХАБ/ нь гишүүн ес /Казахстан, Киргиз, Орос, Пакистан, Тажикистан, Узбекистан, Хятад, Энэтхэг, Иран/, ажиглагч гурав /Афганистан, Беларусь, Монгол/, яриа хэлэлцээний түнш 13 /Азербайжан, Армени, Египет, Балба, Шри-Ланка, Камбож, Мьянмар, Катар, Саудын Араб, Кувейт, АНЭУ, Турк, Мальдив/, нийт 25 улсыг хамардаг юм.
Сэтгэгдэл үлдээх
Сэтгэгдэл