Ирэх оны төсвийн төсөлд олон нийтээс санал авах танхимын хэлэлцүүлэг Аж үйлдвэр, эрдэс баялгийн яаманд болж байна.

Тодруулбал, Монгол Улсын Ерөнхий сайд Г.Занданшатар 2026 оны төсвийн төслийг боловсруулахад олон нийтийн оролцоог хангаж ажиллахыг төсвийн ерөнхийлөн захирагч нарт үүрэг болгосон. 

Энэ дагуу төсвийн төслийг боловсруулах үйл явцад иргэдийг оролцуулж, ил тод, нээлттэй төсвийн хэлэлцүүлгийг Аж үйлдвэр, эрдэс баялгийн яамнаас эхлүүллээ. 

Хэлэлцүүлэгийг тус яамны Төрийн нарийн бичгийн дарга Б.Дашпүрэв удирдаж, оролцогч талуудын асуултад холбогдох албаныхан хариулт өглөө. Түүнчлэн, олон нийтээс санал авах үйл ажиллагаа 2025 оны наймдугаар сарын 1-нээс орон даяар эхэлсэн. 

Саналыг 11-11 төв, E-Mongolia апп болон яамдын цахим хуудсаар авна. Мөн олон нийтийн хэлэлцүүлгийг танхимаар энэ сарын 4-14-нд салбар бүрээр зохион байгуулна. Нийт 12 хэлэлцүүлэг болохоор төлөвлөж байгаа аж.