Орхон аймгийн хэмжээнд 2023 оны нэгдүгээр сарын байдлаар 38109 хүүхэд бүртгэлтэй байгаагаас 31409 хүүхэд хүүхдийн мөнгөн тэтгэмжид хамрагдаж, 6700 орчим буюу 17 хувь нь хасагджээ.
Хүүхдийн мөнгөнөөс хасагдсан, мэдээлэл нь зөрсөн иргэд хүүхдийн мөнгөнд хамрагдах хүсэлтээ дахин гаргаж, хоёрдугаар сарын 8-ны дотор холбогдох байгууллагуудад нь хандан мэдээллээ засуулах ёстой юм байна.
Учир нь хоёрдугаар сарын 8-наас 16-ны хооронд ХНХЯ-наас өрхийн амжиргааны төвшин тогтоох судалгааг хийх бөгөөд, 16-наас хойш иргэн таны хүүхэд хүүхдийн мөнгөнд хамрагдсан эсэх мэдээллээ шалгах боломжтой болох юм.
Сэтгэгдэл