Улсын их хурлын гишүүн  Доржсүрэн Үүрийнтуяа  Хавдар судлалын үндэсний төвийн дарга Ц.Батболдтой өнөөдөр уулзаж, “Эрдэнэт Медикал” эмнэлгийг Эрүүл мэндийн яамны харьяанд шилжүүлж, хойд бүсийн хавдрын оношилгоо, эмчилгээний төв болгон өргөтгөх Засгийн газрын шийдвэрийн хэрэгжилтийн талаар ярилцлаа. 
      Энэ ажлын хүрээнд эмнэлгийн ажилтнуудын ажлын байр, цалин хөлсийг хадгалах, Үйлдвэрийн ажилтан, ахмадуудын урьдчилан сэргийлэх үзлэг, оношилгоог тасралтгүй үргэлжлүүлэх чиглэлээр тодорхой зохицуулалт хийх шаардлагатайг онцлон тэмдэглэлээ.
    Энэхүү төвийн нээлт 2025 оны 09 дүгээр сарын 07-ны өдөр болох бөгөөд энэ нь хойд бүсийн иргэдэд үзүүлэх эрүүл мэндийн тусламж, үйлчилгээний чанар, хүртээмжийг нэмэгдүүлэх чухал алхам болно. 
      Хойд бүсийн иргэдийнхээ эрүүл мэндийг хамгаалах, эмчилгээ оношилгооны чанар, хүртээмжийг сайжруулахын төлөө тууштай хамтран ажиллах болно.