Ардчилсан намын дарга О.Цогтгэрэл Эрдэнэт хотод ажиллах үеэрээ намын залуу дэмжигчид, шинэхэн гишүүд болон намын дэргэдэх “PoliNext” хөтөлбөрийн оролцогч залуустай чөлөөт уулзалт хийлээ. 

      Уулзалтаар Ардчилсан намын дарга О.Цогтгэрэл ардчиллын үнэт зүйл, үзэл баримтлал, цаашид хэрэгжүүлэх дотоод, гадаад стратеги бодлого болон оролцогч залуусын хүсэл мөрөөдөл, нийгэм улс төрийн талаарх бодол мэдрэмж, байр суурийг сонсож нээлттэй санал солилцлоо.

     Орхон аймгийн Ардчилсан намын санаачилгаар хэрэгжүүлж буй уг “PoliNext” залуу сэтгэгчдийн хөтөлбөр нь нийгэмд өөрийн манлайллыг үзүүлэх залуусыг чадавхжуулах, орон нутгийн бүх шатны засаглалд хамаарах эдийн засаг, хууль, эрх зүй, төрийн удирдлага, зохион байгуулалт, төсвийн хяналт шинжилгээ, хувь хүний хөгжил, техник, технологийн шинэ дэвшилтэд инновац шингэсэн платформуудыг үр дүнтэй ашиглах чадваруудыг дээшлүүлэх зорилго бүхий залуусын шинэлэг хөтөлбөр юм.