БНХАУ-ын Тяньжин хотод “China Mining 2025” арга хэмжээ болж байна. 
  “Mining in Mongolia” өдөрлөгийг Монгол Улсаас БНХАУ-д суугаа Элчин сайдын яам, Аж үйлдвэр, эрдэс баялгийн яам болон Монголын Уул Уурхайн Үндэсний Ассоциаци  хамтран амжилттай зохион байгууллаа.

    Монголын уул уурхайн салбарын өнөөгийн байдал, хөрөнгө оруулалтын орчин, ирээдүйн чиг хандлагыг олон улсын хөрөнгө оруулагчдад танилцууллаа. 

   Өдөрлөгт  Монгол Улсын Их Хурлын гишүүн Ж.Золжаргал, Ч. Лодойсамбуу, С.Цэнгүүн, Монгол Улсаас БНХАУ-д суугаа Онц бөгөөд Бүрэн эрхт Элчин сайд Н.Энхболд, БНХАУ-ын Байгалийн нөөцийн яамны Геологийн хайгуул, уул уурхайн хяналтын газрын орлогч дарга Ниу Ли, АҮЭБЯ-ны Бодлого төлөвлөлт, судалгааны хэлтсийн дарга М.Мэндбаяр, "Эрдэнэт үйлдвэр" ТӨҮГ-ын Ерөнхий захирал Г.Ёндон, МУУҮА-ийн Гүйцэтгэх захирал Г.Эрдэнэтуяа болон АМГТГ, “Эрдэнэс Монгол” нэгдэл, Эрдэнэс Тавантолгой ХК, Монголын Хөрөнгийн Бирж, “Оюут улаан” ХХК-ийн төлөөлөл зэрэг төр, хувийн хэвшлийн удирдлага, хөрөнгө оруулагчид, салбарын мэргэжилтнүүд  нийт 150 гаруй төлөөлөгч оролцжээ. 

 Монгол, Хятадын уул уурхайн салбарын харилцааг хөгжүүлэх,  бүс нутгийн хэмжээнд тогтвортой, хариуцлагатай хөгжлийг дэмжих нь стратегийн чухал ач холбогдолтой юм.