Эрдэнэт үйлдвэрийн Үйлдвэрчний эвлэлийн холбооны ээлжит 14-р  хуралдаан болж өндөрлөлөө.       

    Хуралдааны гол хэлэлцэх асуудал нь холбооны даргыг сонгох үйл ажиллагаа юм.
      Хөдөлмөрийн хүний төлөө хоёргүй сэтгэлээр ажиллах нь Үйлдвэрчний эвлэлийн байгууллагын үндсэн чиг үүрэг байдаг. Ийм ч учраас үйлдвэрийн газрын Үйлдвэрчний эвлэлийн холбооноос үйлдвэрийнхээ  ажилчдын төлөө бат зогсож, тэдний эрх ашиг эрүүл мэнд, цалин хөлс, нэмэгдэл хөлс, удаан жилийн нэмэгдэл, шөнийн намэгдэл зэрэг хамтын гэрээнд заасан заалт бүрийг  эрх тэгшээр  ажилчдад олгохын  төлөө үйлдвэрийн удирдлагуудтай нэг баг болон ажиллах нь чухал юм.
     Энэ удаагийн Үйлдвэрчний эвлэлийн холбооны даргад нэр дэвших үйл ажиллагааг ажилчдын дунд нээлттэйгээр зарлан  дөрвөн ажилтан энэ удаагийн сонгуульд өрсөлдөхөөр болж тус бүр мөрийн хөтөлбөрөө боловсруулан тогтсон хугацаанд ажилчдадаа  танилцуулсан.
     Ингээд өнөөдөр болсон 14 дэх удаагийн хуралдаанаар 68.1 хувийн буюу хүний 737 хүний саналаар Ж.МӨНГӨНШАГАЙ тэргүүлж Эрдэнэт үйлдвэрийн Үйлдвэрчний эвлэлийн холбооны даргаар сонгогдлоо.
Үйлдвэрийн ажилчдынхаа итгэл найдварыг алдалгүй Хөдөлмөрийн хүний төлөө хоёргүй сэтгэлээр ажиллахыг хүсье.




ЭҮТӨҮГ-н ҮЭ-ийн даргын сонгуульд нэр дэвшигч
Ж.Мөнгөншагай түүний мөрийн хөтөлбөр
   Дэлхийн жишиг үйлдвэр
   Монголын жишиг цалин

Цалин хөлс

1. 2024 оны 01 сарын 01-ний өдрөөс эхлэн бүх ажилтнуудын үндсэн цалинг 30% нэмэгдүүлэх
2. Ажлын үр дүнг урамшуулах мөнгөн санг нийт үндсэн цалингийн 30% болгох
3. Удаан жилийн нэмэгдлийг ажилтны үндсэн цалинг ажилтны ажилласан жилээр хувьлан олгох
4. Хөдөлмөрийн хэвийн бус нөхцөлд ажилласны нөхөн төлбөрийн үндсэн цалингийн 10-20%-иар олгох
5. Жилийн үр дүнгийн урамшууллыг үйлдвэрийн газрын дундаж цалинг 3-4 дахин үржүүлсэнтэй тэнцүү хэмжээгээр бүх ажилтнуудад ижил тэгш олгох
Ажилтнуудын эрүүл мэндэд
1. Урьдчилан сэргийлэх үзлэгийг чанаржуулна.
2. Ажилтны амь нас эрүүл мэндэд ноцтой хохирол учруулж болохоор өвчлөл бий болсон. Энэ нь холбогдох шинжилгээ болон эмнэлгийн байгууллагын дүгнэлтээр батлагдсан тохиолдолд эмчилгээний нийт зардлын 50%-ийг үйлдвэрийн газраас олгодог болгох.
Ажилтнуудын нийгмийн асуудлын хүрээнд
1. Ажилтнуудын орон сууцны хэрэгцээнд үндэслэн орон сууцаар хангах төсөл хэрэгжүүлэх. (Тогтвортой ажиллах гэрээ, хүүгүй эргэн төлөгдөх нөхцөлтэйгөөр)
2. Удам дагасан уурхайчдын цувааг таслалгүй цааш нь үргэлжлүүлнэ. Ажилтны ажлын байрны нөхцөлтэй уялдуулан хамтын гэрээний 2.4 заалтыг илүү уян хатан болгоно. Мөн ажилтан өвчнөөр болон үйлдвэрлэлийн ослоор нас барсан тохиолдолд ажилтны эхнэр, (нөхөр) хүүхдийн нэгийг ажлын байраар хангана.
3. Ажилтнуудын ирээдүйн баталгаа болгож “хуримтлалд суурилсан тэтгэврийн хадгаламж” төслийг хэрэгжүүлнэ.
4. Үйлдвэрийн газарт ажиллаж байгаад өндөр насны тэтгэвэр тогтоолгож байгаа ажилтанд тус үйлдвэрт ажилласан жилийг нь үндэслэн олгодог мөнгөн тэтгэмжийг нэмэгдүүлэх мөн уг тэтгэмжээ авч чадаагүй ажилтан нас барсан тохиолдолд уг тэтгэмжийн гэр бүлд нь олгох.
Үйлдвэрчний эвлэлийн холбоонд
1. Хариуцлагын тогтолцоог бий болгоно.
2. Санхүүгийн болон үндсэн үйл ажиллагааг ил тод шилэн болгоно.
3. Хамтын гэрээнд ажилтнуудын бодит санал тусдаг болно.
4. Сонгох, сонгогдох эрхийг төгөлдөржүүлнэ.
БИ МОНГОЛ ХҮНИЙ САРУУЛ УХААНД ИТГЭДЭГ​​ С.ЗОРИГ