Эрдэнэт үйлдвэрийн Сэлэнгэ амралт, аялал жуулчлалын цогцолбор өнөөдөр үйлдвэрлэлийн дүүрэгт, нийт ажилтнууддаа зориулан “Нээлттэй өдөрлөг” зохион байгууллаа. Өдөрлөгөөр тус хамт олон уурхайчдадаа нийтийн хоолоор үнэ төлбөргүй үйлчилж, монгол өв соёлоо сурталчилсан байна.
Сэлэнгэ амралт, аялал жуулчлалын цогцолборын өдөрлөгийг Монгол түмний уламжлалт баяр, сар шинийн баярыг угтан зохион байгуулж байгаа юм. Тийм учраас үндэсний өв соёл, уламжлалыг сурталчилан, монгол ардын дуу хуурыг сонсгон толилуулсан.
Эрдэнэт үйлдвэрийн хэмжээнд нийгмийн чиглэлээр нийт 12 бүтцийн нэгж ажилладаг. Бусад нийгмийн цехүүд нийт уурхайчдадаа үйлчилгээ, үйл ажиллагаагаа танилцуулах нээлттэй хаалганы өдөрлөгийг үргэлжлүүлэн явуулна.
Сэтгэгдэл үлдээх
Сэтгэгдэл