"Уурхайчдын спортын их наадам 2022" Эрдэнэт хотод дөрвөн өдрийн турш амжилттай зохиогдож хаалтын үйл ажиллагаа өнөөдөр Хангарди паласт болж өндөрлөлөө.

Спортын их наадмын хаалтын үйл ажиллагаанд Уул уурхай, хүнд үйлдвэрийн сайд Ж.Ганбаатар, Эрдэнэс Монгол" компанийн Зэс металлын группийн захирал Х.Бадамсүрэн, Уул уурхай хүнд үйлдвэрийн яамны Төрийн нарийн бичгийн дарга Б.Бямбадагва болон бусад зочид төлөөлөгчид, Эрдэнэт үйлдвэрийн Ерөнхий захирал Г.Ёндон болон үйлдвэрийн удирдлагууд, уул уурхайн байгууллагуудын дэмжигч уурхайчид оролцлоо.

Уул уурхайн салбарын түүхт 100 жилийн ойг тохиолдуулан таван төрөлт спортын их наадам өрсөлдөөнтэй тоглолтуудаар дүүрэн байлаа.

Спортын их наадамд 30 гаруй компанийн 1500 гаруй тамирчид оролцож шилдгүүд тодорлоо.

Тэмцээн тус бүрт шалгарсан багуудын нийлбэр дүнгээр үүрд хадгалагдах цомын эзнээр Монгол Улсын Баатар Эрдэнэт үйлдвэр тодорлоо. Хоёрдугаар байрт Монголросцветмент ТӨҮГ, Багануур ХК-ийн баг тамирчид гуравдугаар байрт шалгарлаа.