XVII жарны “Үзэсгэлэн болгогч” хэмээх харагчин туулай жилийн сар шинийн баярыг угтан БОАЖ-ын Сайд Б.Бат-Эрдэнийн урилгаар Монголд байнгын үйл ажиллагаатай ЭСЯ , Олон улсын байгууллагын төлөөлөл нарыг Хустайн байгалийн цогцолбор газарт хүлээн авч, Монгол түмний уламжлалт баяр “Цагаан сарын баяр” ёс заншилаа танилцууллаа.
БОАЖЯ-наас хэрэгжүүлж буй бодлого, санал санаачилгыг үргэлж дэмжиж хүрээлэн буй орчин, уур амьсгалын өөрчлөлт, цөлжилт, “Тэрбум мод” Үндэсний хөдөлгөөн, аялал жуулчлалын салбарт хамтран ажилладагт БОАЖ-ын Сайдын мэндчилгээ, талархалыг, БОАЖЯ-ны Төрийн нарийн бичгийн дарга Э.Баттулга хүргэлээ.
Төлөөлөгчид 2023 оны 3 дугаар сарын 2,3-ны өдөр Монгол Улсад болох НҮБ-ын Ази номхон далайн эдийн засаг, нийгмийн комисс /UNESCAP/-ын хуралд амжилт хүсэж, хамтран ажиллаж буйд талархал илэрхийлэв.
Сэтгэгдэл