Жил бүрийн дөрөвдүгээр сарын 26-ны өдрийг Дэлхийн оюуны өмчийн өдөр болгон тэмдэглэдэг. Эрдэнэт үйлдвэр нь ашиглалтад орсон цагаасаа оюуны өмчийн соёлын нэг хэлбэр болох ШБОС-ыг бүртгэх, үйлдвэрлэлд нэвтрүүлэх, үр ашгийг тооцох, шагнал-урамшуулал олгох системийн дагуу  ажиллаж  байсан боловч үйлдвэрийн эзэмшлийн оюуны өмчийн эрхийн хамгаалалт хийлгэсэн бүтээл байгаагүй юм. Ингээд  2015 онд “Эрдэнэт үйлдвэр” ТӨҮГ-ын оюуны өмчийн бодлого батлагдсанаар үйлдвэрийн газрын эзэмшлийн оюуны өмчийн санг бүрдүүлэх ажлыг эхлүүлжээ.  

2016-2022 онд нийт 16 бүтээлд оюуны өмчийн эрхийн хамгаалалт хийгдэж, үйлдвэрийн газрын эзэмшлийн оюуны өмчийн санг бүрдүүлэн ажиллаж байгаа талаар Эрдэнэт үйлдвэрийн Стратеги хөгжлийн газрын Иновац, оюуны өмч хариуцсан мэргэжилтэн Д.Энхтунгалаг мэдээллээ.

Түүнчлэн оюуны өмчийн эрхийн хамгаалалт хийлгэх ажлын бэлтгэлийг зохион байгуулан ажиллаж холбогдох бүтцийн нэгжүүдэд  “Үйлдвэрийн газрын оюуны өмчийн бодлого, түүнийг хэрэгжүүлэх журам”-ын семинар хийж, мэргэжил, арга зүйн зөвлөгөө өгч, шаардлагатай тохиолдолд арга зүйгээр ханган ажиллаж байна. Оюуны өмчийг  зорилтот зах зээлд эдийн засгийн эргэлтэд оруулахаар төлөвлөжээ.