2023 оны долоодугаар сард нэг тонн зэсийн үнэ 8251-8651 ам. долларын хооронд хэлбэлзэж дунджаар 8445.26 ам. доллар байсан нь зургаадугаар сарын дундаж үнэтэй харьцуулахад 59.03 ам.доллараар, цагаан мөнгөний үнэ кг тутамд 20.35 ам.доллараар тус тус өсжээ.

2023 оны долоодугаар сард нэг тонн зэсийн үнэ дунджаар 8667.21 ам.доллар байгаа нь 2022 оны эхний долоон сарын дундаж үнэтэй харьцуулахад 770.5 ам.доллараар, 2022 оны дундаж үнэтэй харьцуулахад 147.6 ам.доллараар буурсан үзүүлэлттэй байна. Харин 2023 оны эхний долоон сарын байдлаар молибдены дундаж үнэ 2022 оны дундаж үнэтэй харьцуулахад тонн тутамд 40 ам.доллараар өсжээ.

Өнгөрөгч долоодугаар сарын 17-ны өдөр Consensus Economics судалгааны байгууллагаас зэсийн үнийн хэтийн төлвийн санал асуулга явуулсан ба тус санал асуулгад нийт 30-н судалгааны байгууллага оролцжээ. Санал асуулгад оролцсон судалгааны байгууллагуудын нэг тонн зэсийн 2023 оны 3-р улирлын зэсийн үнийн прогноз 7594-8818 ам.долларын хооронд хэлбэлзэж дунджаар 8322 ам.доллар байна. Нийт 30-н судалгааны байгууллагаас 27 нь энэ улиралд зэсийн үнэ 8000 ам.доллараас дээш байна гэж үзэж байна. Харин 2023 оны зэсийн жилийн үнийн хэтийн төлвийг 8058-8878 ам.долларын хооронд хэлбэлзэж дунджаар 8514 ам.доллар, 2024 оны зэсийн жилийн үнийн хэтийн төлвийг 6837-9850 ам.долларын хооронд хэлбэлзэж 8582 ам.доллар тонн байна гэж судалагаандаа дурджээ.