“Монголын уул уурхайн 7 хоног” чуулга уулзалт дөрөв дэх өдрөө үргэлжилж байна. Уул уурхай, хүнд үйлдвэрийн яамнаас Монголын уул уурхайн үндэсний ассоциацитай хамтран зохион байгуулж буй уг чуулганаар салбарын бүх түвшний оролцогч талууд тулгамдсан асуудлуудаа таван өдрийн турш өргөн хүрээнд хэлэлцэж байна. Уул уурхайн долоо хоног-Mongolian mining week 2023 чуулганд Австрали, Австри, АНУ, БНХАУ, АНЭУ, БНСУ, ХБНГУ, ИБУИНВУ, Испани, Канад, ОХУ, ӨАБНУ, Пакистан, Франц, Энэтхэг, Япон зэрэг 20-иод улсын эрдэс баялгийн салбарын төрийн байгууллагуудын төлөөлөл, хувийн хэвшлийн хөрөнгө оруулагч 300 гаруй төлөөлөгч оролцож байна
Таван өдөр үргэлжлэх энэ арга хэмжээнд Монгол Улсад суугаа Элчин сайдууд, Монгол Улс дахь НҮБ-ын суурин төлөөлөгч, Дэлхийн банк, ОУВС зэрэг 10 гаруй Олон улсын байгууллага, үндэсний аж ахуйн нэгж, төрийн болон иргэний нийгмийн байгууллагын төлөөлөл, иргэд гээд давхардсан тоогоор 3000 орчим оролцогч оролцож байна.
Хөрөнгө оруулалтыг татах, хөрөнгө оруулагчдад Засгийн газрын бодлого, салбарын эрх зүйн орчны шинэчлэлийг хүргэх, шинэ төслүүдээ танилцуулах, зах зээлийн чиг хандлага, хөрөнгө оруулалтын орчны талаар тандах, тулгамдсан асуудлаа ярилцаж, шийдэлд хүрэх нь чуулганы зорилго болж байна. Монголын уул уурхайн 7 хоног” чуулга уулзалт маргааш өндөрлөнө.
Гэрэл зургийг Б.Баттөгс
Сэтгэгдэл