Цөмийн энергийн комиссын II хуралдаан Аж үйлдвэр, эрдэс баялгийн яаманд боллоо. Хурлыг Аж үйлдвэр, эрдэс баялгийн сайд, Цөмийн энергийн комиссын дарга Г.Дамдинням удирдаж комиссын 14 гишүүн оролцлоо. 

Хуралдаанаар Цөмийн энергийн комиссын 2024 оны үйл ажиллагааны тайлан, Цөмийн энергийн комиссын дэргэдэх Эрдэмтдийн болон Цацрагийн аюулгүйн зөвлөлийн 2024 оны үйл ажиллагааны тайлан,  Цөмийн энергийн тухай хуулийн 11.1.1-д заасан чиг үүргийн дагуу Монгол Улсын нэгдэн орсон холбогдох олон улсын гэрээний хэрэгжилт, Цөмийн энергийн комиссын хоёр талт хамтын ажиллагааны тухай тус тус танилцуулж, Олон Улсын Атомын Энергийн Агентлагийн зөвлөмжийн дагуу Цөмийн эрчим хүчний хөтөлбөр хариуцсан байгууллага/нэгж байгуулах тухай, “МУИС-ийн Цөмийн физикийн судалгааны төвийг “Цөмийн шинжлэх ухаан, технологийн үндэсний хүрээлэн” болгож өөрчлөх саналын тухай асуудлуудыг тус тус хэлэлцлээ.