Улсын Их Хурлын гишүүн Д.Үүрийнтуяа өнөөдөр Япон улсын “Pear Carbon Offset Initiative” ХХК-ийн гүйцэтгэх захирал Сасаки Казүо, Төслийн координатор Ж.Баасанхүү, ХААИС-ийн профессорын багийн ахлагч Б.Мөнхбат нартай  уулзалт хийлээ. 
 Тэд “Малын аргал, өтөг бууцыг ашиглан нунтаг био нүүрс болон органик бордоо боловсруулах үйлдвэрийн төсөл"- ийн талаар ярилцаж  санал солилцлоо.
  Малын аргал, өтөг бууцыг ашиглан нунтаг био нүүрс болон органик бордоо боловсруулах үйлдвэр болон түүний ач холбогдлын талаар танилцуулсан байна. 
Энэхүү технологи нь бэлчээрийн доройтлыг сэргээж, хөрсний чийг, үржил шимийг урт хугацаанд хадгалах ач холбогдолтойг онцолжээ.  
Төсөл хэрэгжүүлэгчээс Эрдэнэт үйлдвэрт “Тэрбум мод тарих” хөтөлбөрийн хүрээнд 1 сая мод тарьж, био нүүрсийг ашиглах боломжийг судлах санал гаргасан байна. 
Энэ туршлага амжилттай хэрэгжвэл бусад орон нутгийн уурхай, үйлдвэрт нэвтрүүлэх боломжтой бөгөөд Монголд агаарын бохирдлыг бууруулах ач холбогдолтой юм байна.