Эрдэнэт үйлдвэр байгуулагдсан цагаас эхлэн спортын төрлүүдээр спартакиад зохион байгуулж ажилчдаа спортын тэмцээн уралдаанд хамруулдаг уламжлалтай.
Спортын 42-р спартакиад, Өвлийн 13-р спартакиадад амжилттай оролцсон бүтцийн нэгжүүд, баг хамт олонд баяр хүргэж шагнал гардуулах ёслол өнөөдөр боллоо.
Шагналыг Эрдэнэт үйлдвэр ТӨҮГ-ын Ерөнхий захирал Г.Ёндон, Хамтын ажиллагаа нийгмийн харилцааны газрын дарга Ц.Бат-Энх , Спорт цогцолборын дарга Ш.Даваахүү нар гардуулж өглөө.
Оны турш спортын 15 төрлөөр 28 бүтцийн нэгжийн 4620 ажилтан Эрдэнэт үйлдвэрийн 42-р спартакиадад оролцлоо. Том цехүүдийг манлайлж тэргүүн байрыг Баяжуулах үйлдвэрийн хамт олон эзэллээ. Удаах байруудыг Засвар механикийн завод, Ил уурхайн баг хамт олон эзэлж цом, өргөмжлөл, мөнгөн шагналын эзэд боллоо.
Жижиг цехүүдээс Цахилгаан цех нэгдүгээр байр, удаах байруудад Спорт цогцолбор, Гэрээт цагдаагийн хэлтсийн хамт олон шалгарч цом, өргөмжлөл мөнгөн шагналын эзэд боллоо.
Харин Өвлийн 13-р спартакиадад жижиг цехүүдээс 12-р цэцэрлэгийн баг хамт олон манлайлж, Оёдлын цех, Эрдэнэт цогцолбор дээд сургуулийн баг хамт олон удаах байруудыг эзэллээ. Том цехүүдээс Баяжуулах үйлдвэрийн баг хамт олон манлайлж Засвар механикийн завод, Авто тээврийн цехийн баг хамт олон удаах байруудад шалгарч цом, өргөмжлөл мөнгөн шагналын эзэд боллоо.
Энэ үеэр хамт олноо тэмцээн уралдаанд амжилттай зохион байгуулж, амжилттай оролцуулсан бүтцийн нэгжүүдийн арга зүйчдийг шагнаж урамшууллаа.
Сэтгэгдэл