![Баяжуулагчид “Гэр бүлд ээлтэй хамт олон” аянд гуравдугаар байрт шалгарчээ](/media/covers/2023/01/23/322237314_935981454452673_1569457779834343721_n.jpg)
![Enguun.mn](/media/logo/logo-dark_HLH0Gcl.png)
![Enguun.mn](/media/logo/logo-white_NH4NCIk.png)
![Баяжуулагчид “Гэр бүлд ээлтэй хамт олон” аянд гуравдугаар байрт шалгарчээ](/media/covers/2023/01/23/322237314_935981454452673_1569457779834343721_n.jpg)
Орхон аймгийн Гэр бүл хүүхэд залуучуудын хөгжлийн газраас зохион байгуулсан “Гэр бүлд ээлтэй хамт олон” аянд Баяжуулах үйлдвэрийн хамт олон оролцож гуравдугаар байр эзлэн өргөмжлөл, мөнгөн шагналын эзэд болжээ.
“Сахилга хариуцлага, дэг журам-амжилтын үндэс” уриалгыг Баяжуулах үйлдвэрийн эцэг эхийн зөвлөлөөс гаргаж 2022 оны үйл ажиллагаандаа тусгажээ. Эцэг эхийн зөвлөлийн мэдээллийн самбарыг 13 хэсэгт байршуулан “Эцэг, Эхийн - Мэдлэгт”, хүүхдийн эрүүл мэнд, боловсролын талаарх цуврал зөвлөмжүүдийг хүргэн ажиллаж байна.
2022 онд 16 удаа 64 зөвлөмжийг цаг үеийн нөхцөл байдалд нийцүүлэн хүргэсэн байна. Түүнчлэн “Өв уламжлалын танхим”-ын тохижилт, Эрүүл мэнд, чийрэгжүүлэлтийн танхимд байрлах хүүхдийн өрөөний тохижилтыг сайжруулан хүүхдүүдэд үйлчлэх, нээлттэй ажиллуулахад анхааран 7 хоногийн бямба гарагийг “Гэр бүлийн өдөр” болгон үйл ажиллагаагаа тогтмол зохион байгуулж байна.
Эцэг эхийн зөвлөлөөс 13 хэсгүүдийг оролцуулан өртөөчилсөн аяллыг зохион байгуулж хүүхдүүд өртөө болгон дээр өгсөн даалгаврыг биелүүлэн урамшуулал авч мөн эцэг, эхийн хамтаар сүүлийн даалгаврыг биелүүлжээ. Нийт 26 хүүхэд 52 эцэг, эхийн хамт оролжээ.
Мөн зөвлөлөөс ажилтнууддаа “Гэр бүлийн харилцаа”, “Хүүхдийн хүмүүжил” цуврал сургалтыг зохион байгуулсан байна.
Баяжуулах үйлдвэрт 2019-2022 онд ажилд орсон 210 ажилтан болон тэдний гэр бүлийг “Эрдэнэт үйлдвэр” ТӨҮГ-ын баялаг бүтээгчдийн түүхээр аялуулан музейтэй танилцуулах өдөрлөгийг зохион байгуулж 68 хүүхэд, гэр бүлийн гишүүд оролцжээ.
Баяжуулах үйлдвэрийн даргын 2022 оны 05 дугаар сарын 05-ны өдрийн А/243 тоот тушаалаар “ Бид архигүй-Хамт олон” нөлөөллийн аян эхлүүлэн хэрэгжүүлэх ажлын хэсгийг томилон “ Архи- Аз жаргалтай гэр бүлийн, эерэг харилцаа хандлагтай ажилтны, сахилга- хариуцлага, дэг журамтай хамт олны сонголт биш” урианд нэгдэх уриалга гарган нийт ажилтнуудад танилцуулан, хамт олны дунд зохион байгуулах ажлын төлөвлөгөөг хэсэг тус бүр гарган ажиллаж байна.
Сэтгэгдэл үлдээх
![зочин1](/static/images/guest/1.jpg)
![зочин2](/static/images/guest/2.jpg)
![зочин3](/static/images/guest/3.jpg)
![зочин4](/static/images/guest/4.jpg)
![зочин5](/static/images/guest/5.jpg)
![зочин6](/static/images/guest/6.jpg)
![зочин7](/static/images/guest/7.jpg)
![зочин8](/static/images/guest/8.jpg)
Сэтгэгдэл